Ecser

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Ecser in 't comitaat Pest

Ecser, in 't Slovaaks Ečer, is'n plaatsj de Hongaarse provincie Pest. De plaatsj haat 3552 inwoners oeëvan 'n deel töt de Slovaakse minderheid binne Hongarije behuurt. Ecser liekt vlakbie d'r internationale luchthave Ferihegy International Airport en is mèt 'n sjpoorlien, de lien Budapest-Újszász-Szolnok, en 'ne sjnelwaeg mèt Budapest verboonde.

Ecser besjtèèt oet veer historische kerne, Maglód, Vecsés, Gyömrő en Üllő.

Historie[bewirk | brontekst bewerken]

Ecser waoërt óp 15 december 1315 vör 't örsj vermeld. De plaatsj is evvel owwer; in 896 zów vólges 'n legende d'r Magyaarse preens Arpad dae zie Aziatisch vólk 't Donaugebied binneleidde taege 'ne eek ha oetgereust. Wie e vroog wie die plaatsj heesjde en e vernoom dat d'r gene topografische naam bekaand waor, zag e "neum 't da eek". Cser is Hongaars vör eek.

Tidens de eeuwelange Ottomaanse överheersing va Hongarije (1526-1686) waoërt 't dörp gaans verlaote mae in 1669 vestigde de örsjte inwoners zich wer in Ecser. In d'r oonaafhankelekheidssjtried oonder aanveuring van Rákóczi, 1703-1711, lieëverde Ecser èlf soldaote.

't Hongaarse plattelaand waor bies in d'r 19de ieëw e feodaal gesjtructureerd gebied en de dörper waore 't bezit van adeleke groeëtgroondbezitters, de zoegenaamde magnate. Ecser waor in 't bezit va graaf Antal Grassalkovich dae in d'r vreuge 17e ieëuw Slovake nao 't dörp haolde. 't Dörp is in Hongarije bekènd om z'n monumentaal katholieke kèrk uit 1740 en 'ne volksdaans, d'r "Ecseri lakodalmas" of Ecserse boerebroelof. De kèrk, d'r daans en d'r mythische eek haant 'n plaatsj kraege in 't waope va Ecser.

Zoewie väöl Europese sjtaej en gemèngdes is ooch Ecser 'ne sjtedebaand aagegange. De Hongare kaoze vör Zlaté Klasy in Slovakije en Kumbağ in Turkije.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Ecser&oldid=341097"