Dominique de Villepin

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


De Villpein in 2010.

Dominique Marie François René Galouzeau de Villepin Sound oetsjpraok (Rabat (Marokko), 14 november 1953) ies 'ne Franse diplomaat en politicus. Hae waor van 31 mei 2005 tot 15 mei 2007 premier van Frankriek. De Villepin ies lid van de UMP.

Dominique de Villepin sjtudeerde aan 't prestigieus École nationale d'administration en sjloot zich in 1977 aan bie 't Rassemblement pour la République, dat in 2002 opging in de UMP. De Villepin wèrkde daonao in de diplomatieke deens. Hae waor tösje 1984 en 1992 ónder andere ambassadesecretaris in Washington D.C. en in Delhi.

In 1993 woort hae directeur van 't kabinet van Alain Juppé, de minister van Boetelandse Zake. In 1995 woort hae adviseur van president Jacques Chirac. In het kabinet van Jean-Pierre Raffarin waor hae van 2002 tot 2004 minister van Boetelandse Zake en saer 31 maart 2004 minister van Binnelandse Zake.

Op 31 mei 2005, twiè daag naodat de Franse sjtummers in e referendum de Europese grondwèt houwe verworpe, deende premier Jean-Pierre Raffarin zien óntsjlaag in. President Jacques Chirac beneumde Dominique de Villepin daezelfde daag nog tot premier.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Dominique_de_Villepin&oldid=349081"