De Tombe
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Mestreechs, as te dit dialek sjpriks.
De Tombe is 'n restant van 'n laat-middeleëuwse motte op de wesflank van de Sint-Pietersberg bie Mesjtreech, gelaegen aan de randj van 't ENCI-bosj.
Van oarsjpróng sjtong baove-op de berg 'n kesjteël. Fundamente van de taore zint in 1920 bloatgelag, van de res van de beboewing is anno 2008 niks meë te zeen. De top van de heuvel is versjtoard door recente ingravinge. Waal is d'r nog 'n restant van de grach aanwezig. De kesjteëlberg haet 'n doorsjnee van 30 maeter en 'n hoagte van 8 maeter. Franse, Sjpaanse en Sjtaatse troepe höbbe de motte in 't verleje gebruuk om de sjtad Mesjtreech te besjtaoke. Om die raeje wirt de motte dan ouch waal Sjpaanse Heuvel of Napoleonsberg geneump. Ënnige anger name die waere gegaeve aan de motte zint Ouden Borg, Ouborch, Vetus Castrum, De Aw Tombe, Brommeletróm, Franse Batterie.
De motte is nog neet zoa lang geleje gans gerestereerd door de eigenaer Vereniging Natuurmonumenten. De Tombe haet de sjtatus van rieksmonument, 't Terrein is veur de plaatselike cultuur-historie van belang en zeldjzaam.
