De Geusselt

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Stadion De Geusselt.

De Geusselt is 't voetbalstadion vaan MVV. 't Steit in de Mestreechse wiek Wittevrouweveld, in 't Geusseltpark, en daank ziene naom aon 't kortbij Kestiel De Geusselt. 't Ligk aon 't Stadionplein en oostelek vaan de A2.

MVV späölde vaanajds in De Boschpoort, meh verhuisde in 1961 nao 't huideg stadion. Aonvenkelek pasde dao 18.000 lui in. Al in de vreug jaore tachteg voldeeg 't stadion neet mie aon de tiedseise. Me wouw e nui stadion in Randwiek bouwe - 'n ambitieus plan wat oonder mie veurzaog in 't ierste euverdèk veld op de wereld - meh oetindelek zaog me daovaan aof. In plaots daovaan woort 't stadion gróndeg gerinnoveerd: de sintelbaon woort eweggehaold, 't veld woort 'ne kwartslaag gedrejd en 't aontal plaotse woort verkleind tot 10.000.

't Stadion kint veer tribunes. De Hooftribuun ligk aon de weskant, aon de zuidkant vint me de Angelside, aon d'n ooskant de Q-Parktribuun en de veerde hèt gewoen Noordtribuun.

Neve 't voetballe weurt De Geusselt ouch wel gebruuk veur aander eveneminte, zoewie de introductie vaan de sportvereineginge mèt d'n INKOM, en 't festival Geusseltrock. In de heuk vaan 't stadion vint me drei verdepinge kentoere.

Naotot MVV in 2000 degradeerde oet de Ieredevisie, is 't gemiddeld aontal bezeukers sterk trökgeloupe, um de lèste jaore get te herstèlle. Belaoje wedstrije wie d'n derby tege Fortuna weure evels miestal wel oetverkoch.

Bron[bewirk | brón bewèrke]

Dit artikel is gebaseerd op 't corresponderend Nederlandstaoleg artikel, en wel in dees versie.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=De_Geusselt&oldid=404021"