D'n Haag

Van Wikipedia
(Doorverweze van D'n Haog)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Gemeinte D'n Haag

Veendel vaan D'n Haag

Waope vaan D'n Haag

Ligking vaan de gemeinte D'n Haag in Zuid-Holland (sinds 2010)

Provincie Zuud-Hollandj
Hoofplaats D'n Haag
Börgemeister (lies) Jan van Zanen (VVD)
Opperflaakde
– daovan water
98,12 km²
16,24 km²
Inwoeners
deechde:
520.704 (1-4-2016)
6.359/km²

D'n Haag (Nederlands Den Haag of 's-Gravenhage, Haags De Haag) is de daarde stad vaan Nederland gemete in aontal inwoeners, nao Amsterdam en Rotterdam. De gemeinte had op 1 januari 2004 469.059 inwoeners. Daoneve is de stad veural hiel veurnaom es bestuurscentrum: zoewel 't parlemint es de Senaat, de regering en de Keuning höbbe dao hun residentie.

Historie[bewirk | brón bewèrke]

Ridderzaol

D'n Haag is in 1248 gestiech door d'n Hollandse graof Wöllem II, dee dao in plaots vaan in Dordrech zien residentie vestegde. Ziene zoon, de bekinde Floris V, leet dao de Ridderzaol bouwe, die vendaog d'n daag nog steit en daobij ouch nog veur plechtighede gebruuk weurt. D'n Haag is dus vaanaof zien stiechting al bestuurscentrum.

Allewel tot D'n Haag in de middeliewe noets stadsrechte heet gekrege - dao-op mós 't wachte tot 1806, oonder Lowie Napoleon - heet 't ziech de ierste drei iewe snel oontwikkeld. In d'n Tachtigjaorigen Oorlog verloor 't evels eve zien welvaart en ouch e groet deil vaan zien bevolking: umtot 't gein walmör had, kóste de Spanjole gemekelek brandsjatte en plundere. Zie vestegde oonder 't belèg vaan Leiden hei hun hoofkerteer. In de 17en iew greujde 't groetste dörp vaan Nederland good door, neet in 't minste umtot ouch de Republiek vaanoet D'n Haag geleid woort.

In de 19e en 20e iew is D'n Haag allein nog mer wijer gegreujd. Dörper wie Scheveningen en Loosduinen woorte ein veur ein opgeslók. Door zien strategisch belaankrieke ligking aon zie woort D'n Haag in d'n Twiede Wereldoorlog vestingstad.

Bezeensweerdeghede[bewirk | brón bewèrke]

Lange Voorhout
  • Binnenhof
  • Vredespaleis
  • Lange Voorhout
  • Panorama Mesdag

Eveneminte[bewirk | brón bewèrke]

Bekinde Hagenere[bewirk | brón bewèrke]

Links[bewirk | brón bewèrke]

Commons: Den Haag – Media gerelateerd aan dit óngerwerp
 
Gemeintes Provincie Zuud-Hollandj
Vaan van Zuud-Hollandj

Alblasserdam · Albrandswaard · Alphen aan den Rijn · Barendrecht · Bodegraven-Reeuwijk · Capelle aan den IJssel · Delft · D'n Haag · Dordrech · Goeree-Overflakkee · Gorinchem · Gouda · Hardinxveld-Giessendam · Hendrik-Ido-Ambacht · Hillegom · Hoeksche Waard · Kaag en Braassem · Katwijk · Krimpen aan den IJssel · Krimpenerwaard · Lansingerland · Leiden · Leiderdorp · Leidschendam-Voorburg · Lisse · Maassluis · Midden-Delfland · Molenlanden · Nieuwkoop · Nissewaard · Noordwijk · Oegstgeest · Papendrecht · Pijnacker-Nootdorp · Ridderkerk · Rijswijk · Rotterdam · Schiedam · Sliedrecht · Teylingen · Vlaardingen · Voorne aan Zee · Voorschoten · Waddinxveen · Wassenaar · Westland · Zoetermeer · Zoeterwoude · Zuidplas · Zwijndrecht

Opgeheve gemeintes

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=D%27n_Haag&oldid=460210"