Cyberpeste

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Cyberpeste of digitaal peste of digipeste ies 't peste via internet. Dit gedrag kump zoawaal tösje kinger en tienersj, thoes en op sjoal veur meh ouch tösje collega's op 't werk.

Definitie[bewirk | brontekst bewerken]

Dao zin versjillende menere um te cyberpeste. Sóms zint 't kwetsende of bedreigende e-mails of bedreiginge of 't lestig valle via chatprogramma's zoa-es bv. MSN.

Daoneve kènne beledigende pagina's mèt foto's, video's, filmkes of persoonlike gegeves van 't sjlachoffer geplaats were op internet. Es eine of mièrder persone doelbewös 'n sjlachoffer lestig blief valle kèn dat 'n geval van stalking betreffe. Cyberpeste ies ouch es op fora en vrie bewèrkbaar pagina's op internet, zoa-es wikipedia beledigende of bedreigende informatie geplaats weurt.

Kènmerke en gevolge[bewirk | brontekst bewerken]

  • Cyberpeste gebeurt dèks anoniem. De dadersj veule ziech veilig en onherkènbaar.
  • Cyberpeste ies dèkker helder es "gewoon" peste. Umdat me ziech ónderein neet direk zuut versjuve de grenze.
  • Door zien kènnis van internet veult de dader ziech machtiger en dink dat 'r "veilig achter de computer" ziet.
  • 'n Sjlachoffer veult ziech ónveiliger dan bie gewoon peste want hae ies nörges miè vrie; neet op sjoal, neet op 't werk of thoes.
  • De impact van cyberpeste is in potentie väöl groater dan bie gewoon peste, umdat 'r miè luuj "toekieke" via 't medium internet. 't Sjteit dao ouch "zjwart op wiet".
  • Cyberpeste ies dèks neet truuk te drièje, op internet blieve de gegeves dèks gewoon sjtoon zoadat de sjlachoffersj dao nog jaore later mèt geconfronteerd were.
  • Werkgeversj die via internet informatie euver sollicitante opzeuke b.v., kènne op dees meneer cyberpeste tegekómme, woadoor zie ziech mesjiens minder gerope veule um de gepeste persoon in deens te numme.
  • Sjlachoffers, mètweitersj én dadersj die d'r mèt te make höbbe zint hie-euver dèks neet ope.
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Cyberpeste&oldid=347489"