Co Stompé

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Jacobus Wilhelm (Co) Stompé (Amsterdam, 10 september 1962) bienaam The Matchstick, is 'ne Nederlandjsen dartser dae in 2000 de half finaal bereikdje vanne Embassy (allewiel Lakeside). In 1998 wón Stompé de WDF Europe Cup. Daonaeve is t'r mit regelmaot te zeen in 't dartspergram RTL7 Darts.

Veurdet t'r 'ne professionelen dartser woort, waas t'r ónger anger trambestuurder van tramlien 14 in Amsterdam.

De bienaam The Matchstick haet Stompé gekrege vanwaenge zien uterlik. Ziene bao gans kale kop en mager versjiening zówwen 'm doon lieken op 'ne zwaegel.

Karriaer[bewirk | brón bewèrke]

BDO 1995-2008[bewirk | brón bewèrke]

Stompé gólj jaoren es d'n twieëdje Nederlandjsen dartser veure WDF, achter Raymond van Barneveld. In 1998 wón Stompé de Europe Cup en woort daodoor d'n ieëste Nederlandjsen Europesen dartskampioen. In 2000 behaoldje Stompé de half finaals vanne Embassy worin d'r verlaor van Ronnie Baxter. De dao-opvolgendje jaore lökdje 't Stompé praktisch neet aanspraekendje rizzeltaote te behaole bie toernoeaje die oppen tillevies woorten oetgezónje, mit es oetzunjeringe 'n half-finaalplaats bieje Zuiderduin Masters in 2004, 'n kwartfinaalplaats bieje 2005-editie vanne International Darts League en 'n kwartfinaalplaats bieje Zuiderduin Masters in 2007.

Döks woort t'r inne ieëste of twieëdje runj oetgesjakeldj, wonao d'r optrooj es co-kómmentater veure commerciële tillevieszender SBS 6.

PDC 2008-2014[bewirk | brón bewèrke]

In juni 2008 steegdje Stompé euver nao de Professional Darts Corporation. Op 30 november 2008 wón d'r 't hoeag-aangesjreve PDC-toernoeaj genaamp de German Darts Championship door inne finaal rangliesaanveurder Phil Taylor te verslaon. Mitte 25.000 euro die d'r aan priesgeldj óntvóng, maakdje d'r ouch 'ne groeate sprónk oppe ranglies vanne PDC.

Tiejes zien ieëste weltkampioensjap (2009) veure PDC bereikdje d'r euverrasjendj de kwartfinaals. In 2010 haoldje d'r weer de kwartfinaal op 't WK.

BDO 2014-huuj[bewirk | brón bewèrke]

In jannewarie 2014 woort bekèndj gemaak det Stompé trögkgeitj nao de BDO. 't Ieëste toernoeaj woraan d'r zal deilnummen is de Dutch Open Darts 2014.

Gewónne toernoeaje[bewirk | brón bewèrke]

Jaor Toernoeaj
1996 Spring Cup
1997 Spring Cup
1998 WDF Europe Cup
2000 Belgium Open
2003 Finnish Open
2007 British Classic
Swiss Open
2008 PDC German Darts Championship
2010 PDC World Cup of Darts (officieus weltkampioensjap landjteams), mit Raymond van Barneveld

Trivia[bewirk | brón bewèrke]

  • Kènmirkendj veur Stompé is zien pose nao 'n gewónne wèdstried; dit betruf 'ne zoeagenaamdje kroeanekraanstandj, geïnspireerdj oppe gelieknamige standj die inne film The Karate Kid veurkump.
  • Stompé is eine vanne weinige dartsers die spele mit lang moewe.
  • Stompé is dökker te zeen es gaskómmentater bie RTL7 Darts.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Co_Stompé&oldid=395777"