Clafoutis

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Clafoutis.

Clafoutis is 'n hartig freutgerech dat lauw wert gaeëte. Me kan 't make mèt zoeër eppel, mèt haof-zoeër kaeërsje, mèt proeme of braomele.

Oorsjprong en etymologie[bewirk | brontekst bewerken]

D'r clafoutis is van oorsjprong 'n gerech oet de Fraanse Limousin en d'r naam sjtamt oet 't Occitaanse clafotis, dat is aafgeleid van 't werkwaoërd clafir dat vulle betekent.

Bereiding[bewirk | brontekst bewerken]

Sjöl 650-750 gr eppel en sjniej ze in blökskes van 1cm. Bie 'ne kaeërsje- of proemeclafoutis: bie de kaeërsje eventueel de kaeëne d'r oet doeë.

Doeg 50 gr botter in de pan en bak 't freut 4-5 min. en sjtröj da 2 à 3 aeëtlaeëpele soeker d'r op en 2 à 3 theelaeëpele kanieël. Laot 't freut aafkeule.

Driej aeëtlaeëpele blao rozienge waesje en oet laote dröppele.

Doeg 125 gr bloom in 'ne koomp mèt 1 metspeunt zaot, ene aeëtlaeëpel appelsiengerasp, 3 aeëtlaeëpele witte basterdsoeker, driej losgeklopde èjjer en 2 dl mèlk. Reur hieva 'n glad besjlaag en doeg an 't lètste nog 1 dl mèlk d'r bie.

Bebotter 'n vlaamvörm. Doeg appele en rozienge d'r in en doeg 't besjlaag d'r över.

Sjuuf d'r clafoutis get oonder de mèts in d'r op 180C° väörverwermde aove en laot 'm 30 min bakke. Doeg da d'r aove oet en laot d'r clafoutis nog 'n 10 min in 'ne gesjlaoëte aoëve naobakke.

Deen d'r clafoutis lauw op en doeg d'r get poejersoeker op.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Clafoutis&oldid=348360"