Brong
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De Brong of Abron zeen e vouk in Ghana enne Ivoearkös (in 't departement van Bondoukou). Anger benaminge veur 't vouk zeen Abrong, Bono, Boron, Bron, Doma en Gyaman.
De Brong zene naamgaevers ane Brong-Ahafo regio in Centraal-Ghana. In Ghana guuef 't zoeaget 1.100.000 luuj die bie 't Brongvouk huuere. E kleinder deil, róndje 150.000 luuj, inne Ivoearkös behuueren ouch toete Brong. In Ivoearkös hètj 't vouk euverwaegendj Abron, in Ghana Brong.
De Brong huuere bieje Akan-vouksgroep en kallen 't Abron, 'n Kwa-spraok. Ze zeen euverwaegendj aanhengers van traditioneel religies, mer in toenummendje maote zeen zie ouch kristelik.