Brezno

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


't Centrum van Brezno.

Brezno (Duits: Bries of Briesen, Hóngaars: Breznóbánya) is 'n stad in centraal Slowakije mit 22.279 inwoeaners in 2005.

Geografie[bewirk | brontekst bewerken]

De stad lègk in 't Horehronské podoliebassin, ane Hron reveer, tösse de bergketes vanne Lege Tatra en 't Slowaaks Ertsgebergdje, óngeveer 45 km van Banská Bystrica. 't Lokaal klimaat in 't bassin is redelik kaad. Gemiddeldj is 't 6.6°C gräöj werm en de jaorlikse naerslaag is 700 toet 750 mm.

Gesjiedenis[bewirk | brontekst bewerken]

Al sins de veurgesjiedenis woeane d'r luuj op dees plaats, meh de hujige stad is óntstange oet 'n aaj Slowaakse nederzètting naeve wo de nuuj aangekómme Pruse 'ne typische veerkantje mert ópzatte in de vruuege dertieëndjen ieëuw. De ieëste sjriftelike vermèljing kömp oet 1265 wen Keuning Béla IV van Hóngarije 'n kaart veur jagers oet de regio Liptov ópstèldje wo in sting det ze hout róndj de plaats bekèndj es Berezuno móchdje gebroeke. De naam kömp van 't Slowaaks waord "breza", det bèrk beteikentj. In de neugetieëndjen ieëuw woor Brezno 'n echte Slowaakse stad en waas 't ein van de centra van de Slowaakse Nationale Bewaeging. Sins de Twieëdje Waereldkrieg begintj 't 'n industrieel stad te waere.

Demografie[bewirk | brontekst bewerken]

Vólges de vólkstelling van 2001 had de stad 22.875 inwoeaners. 92,85% van die luuj wore Slowaaks, 4,63% Roma, 0,80% Tsjechisch en 0,22% Hóngaars. 66,89% woor Rooms-Katholieks, 18,54% atheïstisch, 8,57% Lutheraans en 0,98% Grieks-Orthodox.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Brezno&oldid=344941"