Brevebös

Van Wikipedia
Gank nao: navigatie, zeuke

Dit artikel is gesjreve in 't Sjènnes. 't Weurt gewaardeerd óm in dit artikel 't Sjènnes aan te hauwe of aan te gaeve welk anger dialek gebroek is.


Nuuj oranje brevebös van TNT-Pos
Laeg make van 'n brevebös door de chauffeur

'n Brevebös is 'n saort kas die langs de waeg sjteit om dao brever in te duje die versjik mótte waere. In Nederland höbbe de brevebösse twiè inwerpaopeninge óm de breve in te duje. Links mot alle pos geduujd waere dae boete de regio versjik mót waere, en rechs mot alle pos dae in de regio versjik mót waere. Daonaeve haet TNT-Pos ouch nog óngevaer 1250 inkel brevebösse langs de waeg sjtaon. Dees brevebösse sjtaon dèksers op plaatse woa neet vaöl luuj wone wie gehuchter en doorgaonde waeg. Dees brevebösser waere ónger de besjtelrönje door de posbode laeg gemak. De groate oranje brevebösse waere 's aoves taege zös oer laeggemak door 'ne chauffeur dae langs alle brevebösser en poskantoare geit.

Naeve de aopenbaar brevebösser geuf 't ouch nog de brevebös bie de hoezer. Dit is meistal 'n gleuf mèt 'n klep d'r veur woo de pos in gedujd wört. Is d'r gein gleuf in de deur of moer, dan sjteit meistal langs de waeg 'n greun keske mèt 'ne dèksel d'r op wo de pos in gedujd wört. Mèh väöl luuj make hun eige brevebös of gelle ein bie de boewmert.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Brevebös&oldid=339549"