Breukelen

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan de gemeinte Breukelen in veur de opheffing.
Gemeintehoes vaan Breukelen

Breukelen is e versteidelek dörp in de gemeinte Stichtse Vecht, in de Nederlandse provincie Utrei, te noordweste vaan de stad Utrei. Dao woene oongeveer 9.600 lui.

Plaotseleke functies[bewirk | brontekst bewerken]

Behave es forenzeplaots veur Utrei en levereer vaan recreatiemeugelekhede is Breukele veural vaan beteikenis es de gasplaots veur de economische Universiteit Nijenrode, gevesteg in 't glieknaomeg kestiel. Dit is 'n elitair universiteit boe-op allein groete economische talente weure touwgelaote.

Ligking en aonziech[bewirk | brontekst bewerken]

Breukele ligk aon de Utreise Vecht en aon 't Amsterdam-Rienkanaal. Boete 't dörp (en allewijl ouch debinne), aon de Vecht, ligk e groet aontal laandhoezer, boeteplaatse die veural in de zeventiende iew gebouwd zien door rieke Amsterdammers en Utrechtenere.

Historie[bewirk | brontekst bewerken]

Breukelen moot al hendeg laank bewoend zien; 't weurt veur 't iers geneump in de zevende iew es Attingahem, 'nen heim vaan einen Attinga, leinhier aon de Friese keuning. Later woort de naom Brooc-lede, bevleujd akkerlaand. Roond 720 moot Bonifatius hei e kèrkske gestiech höbbe. In 953 woort 't oonder 't nui Bisdom Utrei geplaots.

In de twelfde iew lag me 'n tolbrögk euver de Vecht, woedoor de dörpsdeile Nijenrode en Sint-Pieters mètein verboonde woorte. In de vreugmodernen tied kaom 't pläötske in de mode bij rieke reginte die hei 'n boeteplaots verstegde.

De gemeinte Breukelen, die 48,65 km² besloog (daovaan 4,21 km² water) en op 1 januari 2010 14.610 inwoeners had, góng op 1 januari 2011 op in de nui gemeinte Stichtse Vecht. Neve de hoofplaots umvatde de gemeinte nog de dörper Kockengen en Nieuwer ter Aa.

Gebaore in Breukele[bewirk | brontekst bewerken]

Trivia[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Breukelen&oldid=338965"