Bottrop

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan de stad in Noordrien-Wesfale
Alte Apotheke in de Bottroper binnestad

Bottrop is 'n krinkloes stad (stad die neet behuurt bis 'ne krink of Kreis, dus Kreisfrei is) in 't weste vaan Noordrien-Wesfale. De Wesfaalse plaots vilt oonder 't Regierungbezirk Münster en ligk neve de steij Esse en Oberhausen en de kring Kreis Recklinghausen en Kreis Wesel. Bottrop ligk op 'n hoegte vaan 55 meter. De stad heet 'n oppervlak vaan 100,61 km², en volgens de census vaan 2014 gief 't dao 116.055 inwoeners. Heimèt heet 't 'n bevolkingsdeechte vaan 1154 de veerkante kilometer. Sinds de nuie stadsraod vaan 2014 is de SPD de groetse polletieke partie mèt 26 zetels. Op de twiede plaots kump daan CDU (15) en de daarde plaots weurt gedeild mèt de Grüne (3) en de ÖDP. Opvallend is tot de DKP (allewijl de groetse kommenistische partie vaan Duutsland) hei veur häör doen groet is, mèt twie zetels. 't Gief ei hoegesjaol in Bottrop, naomelek Hochschule Ruhr West. En daoneve gief 't väöl studènte die op de Fernuniversität in Hagen studere mer woene in Bottrop, väölal bij de awwers. De stad besteit oet drei distrikte.

Brón[bewirk | brón bewèrke]

  • Duutstaolege Wikipedia
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bottrop&oldid=405272"