Boriumgebrek

Van Wikipedia
Gank nao: navigatie, zeuke

Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.


Boriumgebrek bie plante is 'n weinig optraejende gebreksziekte, dae in Nederlandj veural op lichte zandjgrond kin optraeje. Akkerlandj det al lang in cultuur is, kin 'n laag boriumgehalte höbbe. Auch 'ne hoge pH kin boriumgebrek veroorzake. Es kunstmisstof veur 't veurkomme van boriumgebrek kin o.a. borax of Chili Borium Plus gebroek waere.

Boriumgebrek bie plante kin zich uite in aafstervende gruipuntje en bossige dwerggrui. Gewasspecifieke symptome zeen:

  • Sokkerbiet- hertrot en ruwe kankerachtige plekke op de biet.
  • Sloetskeul- gedrejde bladere en holle gedeilte in de stronk.
  • Bloemkeul- slechte ontwikkeling van de roosjes van de keul en broene plekke op de keul. Verruwing van de stronk, blaadstele en middenerve.
  • Bleikselderie- blaadstele vertone barsjes en inwendig is de steel roodbroen.
  • Paer- nuje sjeute in 't veurjaor sterve aaf en de paere kriege hel broene plekke op de sjil.
  • Aardbei- dwerggrui, kleine, gaele bladere en kleine, bleike vruchte.
  • Koolraap en knolraap- broene en grieze concentrische ringe in de raap.
  • Erpel- dwerggrui, aafsterve van gruipuntje en laerechtig verdiekte, omhoog gerolde, ongerste bladere.
  • Maïs- neet good gevulde kolve.
  • Palme (Palmefamilie) - broene vlekke op de bladere en 'ne lege productie.
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Boriumgebrek&oldid=360626"