Boerebroelof
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
In Noord-Limburg viere ze in diverse plaatse 'n boerebroelof sjuus veur of mèt de vastelaovend. 't Ies 'n carnavalsfiès veur börgersj, boere en boeteluuj, mèt al d'r op en d'raan, wat 'n sjieke broelof allure kènt geve. D'r weurt in "de ónech" getrouwd. Dit vingk plaats in o.a. Venlo, Tegele, Ruiver Maasbree en in Kessel.
Neve 'n nuuj (gekoze) 'broedspaar', doon de volgende personages aan dees ceremonie mèt: broedsmaedsjes, de broedsjónker, getuges, soekernónk en -tant, de börgemeister, de bode ('ne 'echte ambtenaer') en de kapelmeister. Woute en kadette versjterke 't boeregezelsjap. De muziek weurt verzörg door de diverse joekskapelle. Ze sjpele de boerebroelofsmarsj en ander carnavalssjlagersj. Bie de boerebroelof, ouch waal boerebroedig geneump, weurt eigelik de receptie gevierd veur 't boerebroedspaar. 'n Boerebroed en 'ne boerebroedegom were van te veure oetgekoze door 'n commissie. 't Boerebroedspaar löp, of zit in 'ne wagel, ouch tiedes de optoch mèt de carnaval.
