Boeing 737

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


De Boeing 737 in deens van Sky Europe

De Boeing 737 Original Generation besjtuitj oet twee vleegtuuge: de B737-100 en de B737-200.

Gesjiedenis[bewirk | brontekst bewerken]

't Begos allemaol mit de B737-100 dae op 9 april 1957 de eerste vluch maakdje en in februari 1958 veur Lufthansa vloog. Dit vleegtuug waerdje gein succes en sjlechs 30 exemplare roldje oet de fabriek. Omdet Lufthansa waal väöl interesse haaj in dit vleegtuug, maar mit ein groter capaciteit, ontjwikkelde Boeing de langere B737-200 dae plaats goof aan maximaal 128 passageers. Dit vleegtuug koos ‘t lochruim op 8 augustus 1967 en vloog häör eerste liendeens op 10 februari 1968 veur Lufthansa. Dit waas ‘t eerste vleegtuug oet de B737 reeks det succesvol waas.

Euvereinkomste[bewirk | brontekst bewerken]

Op de lengte van de romp nao, zeen allebei de vleegtuuge ‘tzelfdje. Ze zeen op’pe zelfdje meneer opgeboewdj, gebroeke dezelfdje ongerdeile etc. Ouch de cockpits zeen identiek.

Versjille[bewirk | brontekst bewerken]

Ein dudelik versjil tösse de B737-100 en de B737-200 is de lengte. De B737-200 is 1,93 meter langer en is ouch in väöl groter getale geproduceerd.

De Boeing 737 Classic Generation[bewirk | brontekst bewerken]

De Boeing 737 Classic Generation is ein doorontwikkeling van de Boeing 737 Original Generation en besjtuitj oet drie vleegtuuge.

Gesjiedenis[bewirk | brontekst bewerken]

Boeing 737-800

In meert 1981 kreeg Boeing de goodkeuring veur de B737-300 wo van ‘t prototype de eerste vluch op 24 februari 1984 maakdje. Dit waas ‘t eerste vleegtuug oet de succesvolle B737 reeks dae gein langwerpige motors meer haaj maar meer ovale motors, aan de ongerkantj enigszins aafgeplatj zodet biej eine volbelaaje tank de motors de grondj neet rake. In juni 1986 waerdje de verlengde B737-400 aangekondigdj, gevolg door de eerste vluch op 19 februari 1988. Dit vleegtuug moog maximaal 188 passageers verveure en haetj daodoor veer noodoetgeng op’pe vleugels, twee aan edere kantj. In mei 1987 kondigde Boeing de B737-1000 aan dae later B737-500 waerdje genumptj. Deze vloog veur ‘t eers op 20 juni 1989. De -500 haetj weer eine kortere romp en liektj vriej väöl op de B737-300 maar is korter.

Technische gegaeves Boeing 737-200[bewirk | brontekst bewerken]

Lengte: 30,53 m.
Breidte: 28,35 m.
Heugte: 11,3 m.
Max. sjnelheid: 945 km/u
Vliegbereik: 3520 - 4260 km.

Technische gegaeves Boeing 737-300[bewirk | brontekst bewerken]

Lengte: 33,40 m.
Breidte: 28,88 m.
Heugte: 11,13 m.
Max. sjnelheid: 900 km/u
Vleegbereik: 5000 - 6000 km.

Technische gegaeves Boeing 737-400[bewirk | brontekst bewerken]

Lengte: 36,45 m.
Breidte: 28,88 m.
Heugte: 11,13 m.
Max. sjnelheid: 900 km/u
Vleegbereik: 5000 - 6000 km

Technische gegaeves Boeing 737-500[bewirk | brontekst bewerken]

Lengte: 32,00 m.
Breidte: 28,90 m.
Heugte: 11,10 m.
Kruutssjnelheid: 915 km/u
Vleegbereik: 3100 - 5500 km

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Boeing_737&oldid=340769"