Boeing

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


Boeing hoofdkwarteer in Chicago
Pan Am Clipper

Boeing is de grotste vliegtuugboewer oet de Verenigde Sjtaote en same mit 't Europese Airbus de grotste van'ne waereld.

Gesjiedenis van 't bedrief[bewirk | brontekst bewerken]

't Bedrief waerdje op 15 juli 1916 door William Boeing opgerich en boewdje destieds watervleegtuuge. Hae richdje in 1927 ein maatsjappiej op die Boeing Air Transport haedje en dees ging in 1928 fusere mit Pacific Air Transport. Dees maatsjappiej ging United Aircraft and Transport Corporation heite. Omdet 't bedrief te groot waerdje, waerdje 't opgedeildj in drieje: Boeing Airplane Company, United Airlines en United Aircraft Corporation. Boeing sjloot contracte mit lochvaatmaatsjappieje veurdet 't ein vleegtuug ging ontwikkele. Zo ouch mit Pan Am in 1938 veur de B314 Clipper. In'ne Tweede Waereldoorlog boewdje Boeing de bekindje B-17 Flying Fortress en de B-29 Superfortress dae Japan aanveel en ein kernbom d'rop leet valle. Naodet de oorlog waas aafgeloupe en 't sjtraoltiedperk aanbrook waerdje begos mit de ontwikkeling van ein veermotorig verkeersvleegtuug det es B367-80 de eerste vluch maakdje maar al sjnel de naam Boeing B707 kreeg. Boeing is veural bekindj gewoore mit de Boeing 747 Jumbojet, 't grotste passagiersvliegtuig veurdet Airbus mit de A380 op 't toneel versjeen. In augustus 1997 ginge McDonnell Douglas Corporation en Boeing fusere en haaj toen gein concurrentie meer op'pe Amerikaanse mert, waal oppe waereldmert, n.l. Airbus.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Boeing&oldid=340789"