Biejemeis

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Biejemeis
Parus major

'n Biejemeis, biemeis, of Biejevraeter en Kieësmuutsjere (Nederlands: Koolmees), Parus major, ies de groatste van alle meize, ongevaer 14 cm, gewiech 16-20 gram. Menneke en wiefke zint 't zelfde. Kop en haus zint glimmend blauwzjwart mèt wiette wange, gaele boek, zjwarte band euverlangs in de miedde. Bie de jónge ies dae sjmaler. De bovekant ies greun-blauwgriesechtig. De jónge höbbe 'n broenechtig kepke en gaelige wange. De biejemeis ies 'ne acrobatische vogel, dae dèks óndersjtebove hingk zeumerend nao voor. 't Voor besjteit oet insekte, poeppe, neutsjes en zónnebloompitte. Kump veur in tuine, parke en gebösjkes. Laeftied 11 jaor.

zank[bewirk | brontekst bewerken]

Pink, Pink en variaties op 'n zaegend tieta tieta tieta. Aap sóms ander veugel nao.

Veurtplanting[bewirk | brontekst bewerken]

't Nèske weurt geboewd in holtes en loker in buim, brevebösse en nèskeskes. De 6-12 eikes zint voelwiet mèt rossige vlekke. Breujt twiè kièr per jaor. Algemeine breuj- en sjtandvogel, dae in de winter róndzjwörf. Sóms op trèk.


Orde: Passeriformes
Suborde: zangveugel, Passeri
Familie: Meize Paridae

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Biejemeis&oldid=352036"