Berg (Roerdale)

Van Wikipedia
(Doorverweze van Berg ane Roer)

Dit artikel is gesjreve (of begós) in 't Bergs (Roerdale). Laes hie wie v'r mit de versjillende saorte Limburgs ómgaon.


Berg (Sint Odiliënberg)
Gewaeze gemeinte in Nederlandj

{{{locatie}}}

Gevörmp ?
Opgehaeve 1991
Opgegange in Postert > Amb Mofert
Provincie Nederlands Limbörg
Hoofplaats Berg
Opperflaakde (bie opluffing) 13,09 km²
– daovan water: 0,15 km²
Inwoeners (kort veur opluffing) 2.765 (1971)
deechde: 211/km²
Lies van börgemeisters
Basiliek van Berg
Gezich op Berg

Berg, ouch waal Berg aan de Roer of Sint-Odiliëberg (Nederlands: Sint Odiliënberg) is 'n dörp ane Roer gelaege, inne Nederlands-Limburgse gemeinde Roerdale, en haet ongevaer 3.500 inwoners.

Berg haet mèr 'ne beperkde middesjtandj en is veur de meiste veurzeninge van Remuunj aafhankelik. Grote cultuurhistorische beteikenis haet de elfde-eewse romaanse basiliek gewiejd aan de HH. Wiro, Plechelmus en Otgerus.

Berg waas toet 1991 'n zelfsjtenjige gemeinde; toet-det 't biej gemeinde Postert kwaam, die in 1994 toet Amb Mofert omgeduip waerde. Vanaaf 2007 heurt 't biej de nuuj gemeinde Roerdale (aad-Roerdale en Amb Mofert).

Waope[bewirk | brón bewèrke]


De volgende sectie van dit artikel is gesjreve in 't Mestreechs.

Berg heet relatief laat, op 2 mei 1939, 'n eige waope gekrege, wat ziech es volg liet umsjrieve:

Doorsnoje: I. In goud (geel) 'ne liew vaan keel (roed), II. in blauw (sic!) 3 zèlvere (witte) viefblaojer mèt gouwe harte, gezat 2 en 1. 't Sjèld gedèk door 'n gouwe kroen mèt drei blaajer en twie perele.

Oersprunkelek had de gemeinte 'n aander sjèld ingedeend: 't waope vaan Gelderland (boe 't vaan 1277 tot 1713 bij hoort) mèt 't waope vaan 't Stiech (boe 't daoveur oonder veel) in 't hartsjèld, en daan es sjèldhawwer Sint-Pieter, dee op aw zegele vaan de sjepebaank Berg veurkump. Dat waope voont d'n Hoege Raod vaan Adel evels te wieneg lokaal. Hei-op deende me es alternatief 't aajd femiliewaope vaan de Van Vrymersums in, die vaan de veertienden tot en mèt de zeventienden iew bezittinge in Berg had.[1]

Historische inwoenertalle[bewirk | brón bewèrke]

Berg is euver 't algemein gestiedeg gegreujd. In de negentienden iew góng de greuj vaan 't dörp oongeveer geliek op mèt die vaan gans Limbörg, meh in d'n twintegsten iew raakden 'r achterop op 't provinciaol gemiddelde. Pas mèt 't intrejje vaan suburbanisatie begós 't aontal inwoeners umhoeg te sjete.

Jaor Aontal Greuj (gans Limbörg)
1830 707[2] --
1840 792[3] +12,0% (+5,6%)
1849 817[4] +3,2% (+4,3%)
1859 867[5] +6,1% (+4,4%)
1869 905[6] +4,4% (+4,5%)
1879 975[7] +7,7% (+7,0%)
1889 979[8] +0,4% (+6,8%)
1899 1.014[9] +3,6% (+10,2%)
Jaor Aontal Greuj (gans Limbörg)
1909 1.082[10] +6,7% (+17,8%)
1920 1.207[11] +11,6% (+32,6%)
1930 1.277[12] +5,8% (+25,1%)
1947 1.368[13] +7,1% (+24,2%)
1956 1.530[14] +11,8% (+27,3%)
1960 1.656[15] +8,2% (+7,4%)
1971 2.765[16] +67% (+13,9%)
Opmerkinge
  • In dees getalle zien 't Räötje, Lerop en versjèlle hoezer oet 't boetegebeed inbegrepe.
  • In 1970 woorte de inwoenertalle op ganse vieftalle aofgeroond. Gelèt op 't klein aontal inwoeners vaan Berg is daorum 't greujciefer neet exakter gegeve es op ganse percinte.
Rillatief oontwikkeling vaan 1830 tot 1971

Rifferenties[bewirk | brón bewèrke]

  1. Heraldry of the World - Sint Odiliënberg
  2. Volkstèlling 1830
  3. Volkstèlling 1840 - Limbörg
  4. Volkstèlling 1849 - Hertogdóm Limbörg: gemeintesgewijs indeiling vaan de provincie
  5. Volkstèlling 1859 - Plaotseleke indeiling
  6. Volkstèlling 1869 - Feiteleke of getèlde bevolking in eder gemeinte vaan 't riek
  7. Volkstèlling 1879 - Limbörg: plaotseleke indeiling
  8. Volkstèlling 1889 - Limbörg
  9. Volkstèlling 1899 - Limbörg
  10. Volkstèlling 1909 - Plaotseleke indeiling
  11. Volkstèlling 1920 - Plaotseleke indeiling
  12. Volkstèlling 1930 - Plaotseleke indeiling
  13. Volkstèlling 1947 - Plaotseleke indeiling
  14. Woeningtèlling 1956 - Veurnaomste gegeves per gemeinte
  15. Volkstèlling 1960 - Bevolking vaan gemeintes en oonderdeile vaan gemeintes
  16. Volkstèlling 1971 - Plaotseleke indeiling
 
Gemeinte Roerdale
Vaan van Roerdale
Dörper: Berg · Ètsberg · Hèrkebósj · Lerop · Melik · Mofert · Paalder · Postert · 't Räötje · Vlorp
Gehuchte en buurtsjappe: Aan 't Brook · Ane Berg · Annedaol · De Berg · De Borg · De Donk · De Hols · De Varsj · De Watersjei · Mienwaeg · Oppe Roskam · Reutebàk · Tösje de Brögke · Varsjerveld · Vlorp-Stasie · 't Zittert
Angers: De Berg · Reewoude · Wensberg
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Berg_(Roerdale)&oldid=425471"