Begien

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Begiene, zint óngehuwde vrouwe of wèdvrouwe (weduwes), die same 'n religieus gemeinsjap vörme. Zie lègke gein geloftes aaf. 't Enigste wat zie belaove ies, dat zie neet zölle trouwe zoalang es zie in de gemeinsjap leve, dat zie zölle loestere nao de euversjte en dat zie vriewillig in ermooj leve. Meistale drage zie uniform kleijer. De leiding liek bie de groat-juuffrouw of groat-meisteres (magistra).

Zie wone same in 'n begienhaof. Dat ies 'ne aafgesjlote haof of plein woa-umheen of woa-aan woonhoezer of sjtraote mèt huuskes liegke. Meistal sjteit 'r ouch 'n kèrkske. De take van de begiene besjtoon oet baeje en 't beoefene van leefdadigheid. 't Begienweze óntsjtóng in de 13e ièw en haet in de 21e ièw wiènig volgelinge miè.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Begien&oldid=338604"