Bas van der Vlies
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
.jpg)
Bastiaan Johannis (Bas) van der Vlies (Sliedrecht, 29 juni 1942 - Utrech, 7 november 2021) waas 'ne Nederlandjse politieker vanne Staotkóndig Gereformeerdje Partie (SGP).
Van der Vlies waas van 10 juni 1981 toet en mit 17 juni 2010 (10.599 daag) lid vanne Twieëdje-Kamerfractie, saer 1986 es fractieveurzitter. Daomit behuuertj t'r toete luuj die 't langste zitting höbbe (gehadj) in ein vanne kamers vanne State-Generaal.
Inne Kamer besjeftigdje d'r zich ónger anger mit landjboew, financieje, vouksgezóndjheid, waalzeen, sport en óngerrich.
Media[bewirk | brón bewèrke]
Tróds det de SGP 't beleid haw det die veur religieus-ethische raejenen 'n actief optraejen oppe tillevies vermiedj (me leet zich waal dore parlementaire pers inne wanjelgeng van 't parlemèntsgeboew interviewe), versjeen Van der Vlies op 30 september 2005 veuren ieëste kieër in 'ne tilleviesactualiteiterubriek (NOVA Politiek). Daonao trooj d'r dökker op in tilleviespergramme.