Bart Brentjens

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


Bart Brentjens in 1994 nao zien euverwinning in de Cairns UCI Grundig Mountain Bike World Cup mountain bike race
Bart Brentjens tiedes de Bart Brentjens Challenge 2007 in Eijsde, Limburg.

Bart Jan-Baptist Marie Brentjens (Haele, 10 oktwoaber 1968) is 'ne Nederlands mountainbiker. Allewiel woont Brentjens ’t Brabantse Schaijk.

Biografie[bewirk | brontekst bewerken]

Brentjens won ’n gouwe medaje op de Olympische Sjpele van 1996 in Atlanta. ’t Waas op dees Sjpele dat 't óngerdeil mountainbike op 't program sjtóng. Mèt dees medaje waas hae de eësjte Limburger in de historie dae individueel goud won. Veur dees Sjpele woort hae getraind en biejgesjtaon door ziene zjwaoger Gert-Jan Theunisse. Hae deeg veer keer mit aan de Olympische Sjpele. Op de Sjpele van 2000 in 't Australische Sydney deeg Brentjens ouch weer mit, mèr wón hae gein medaje. Biej de Sjpele van 2004 dao en taege wón hae ein brónze medaje, mèr in 2008 woort hae mèr 37e.

Veurdat hae zien gouwe medalje wón, waas hae in 1995 ouch al èns waereldkampioen gewore in 't Zuud-Duutsje Kirchzarten. Ouch behaolde hae tweë eindeuverwinninge in de Tour de France VTT in 1995 en 1996. Saer zien brónze medaje op de Olympische Sjpele in Athene rich Brentjens zich veural op de marathons. Op 't WK behaolde hae daobie al ein tweëde en ein derde plaatsj. In 2005 waas hae de bèste in de Waereldbaeker Marathon in Riva del Garda. In 2007 woort hae veur de tieënde keër Nederlands kampioen Cross Country.

Eërelies[bewirk | brontekst bewerken]

  • 1994 Winnaer Worldcup Overall
  • 1995 Waereldkampioen XC
  • 1995 Winnaer Tour VTT Overall
  • 1996 Winnaer Tour VTT Overall
  • 1996 Olympisch Kampioen Atlanta
  • 2001 Europees Kampioen XC
  • 2004 Brónze medajje Olympische Sjpele Athene
  • 2005 Winnaer Cape Epic
  • 2005 Vice Waereldkampioen Marathon
  • 2005 Winnaer van de Gouwe Helm Berlicum
  • 2006 Winnaer worldcup Curaçao

Teams[bewirk | brontekst bewerken]

Trivia[bewirk | brontekst bewerken]

  • In 2005 woort veur 't eësj de "Bart Brentjens Challenge" gehawwe. Dit is 'ne mountainbike-marathon van 40, 60 en 80 kilomaeter door de gebaortesjtreek van Brentjens in Zuud-Limburg. In 2006 ware de aafsjtènj 45, 70 en 100 kilomaeter.
  • 't Aopebaar-vervoorsbedrief Veolia verneumpde ein van häör Velios-treine nao häöm. [1]
  • Biejname van Bart Brentjens zint Bartman en Mr. Mountainbike.
  • Bart Brentjens haet saer 2003 alle Nederlandse mountainbikewedsjtriede wo hae aan de sjtart versjeen minstes eine keër gewónne, mèt oetzunjering van de Stappenbelt Rabobank MTB Trophy
  • Brentjens is van oarsjprónk Chrysantekweker

Brónne[bewirk | brontekst bewerken]

Referenties[bewirk | brontekst bewerken]

  1. Veolia heeft nog wel dertig namen voorradig. De Gelderlander, 21 november 2007.
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Bart_Brentjens&oldid=348992"