Banská Štiavnica

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Oetzich euvere stad.

Banská Štiavnica (Duits: Schemnitz, Hóngaars: Selmecbánya) is 'n stad in centraal Slowakije, in 't midde van 'ne oetgrótte caldera óntstange nao 'n instórting van 'n aaj vulkaan. 't Gebergdje det de caldera vörmp hèt 't Štiavnica Geberdje. Banská Štiavnica haet mieë es 10.000 inwoners. De aajste sjriftelike vermeljing van Banská Štiavnica is oet 't jaor 1156. Al in de 13djen ieëuw waas de stad bekindj waenger de winning van goud en zilver. 't Haet 'ne nag gans behaje middeleeuwse stadskern. Waenges häör historische waerdje wore de stad enne ómligkendje ómgaeving dore UNESCO oetgerope es Waereldj Erfgood op 11 december, 1993.

Bezeenswaerdighede[bewirk | brontekst bewerken]

't Hert van de stad is 't historische Drie-einheidsplein (Slowaaks: Trojičné námestie) wo ouch 'ne monumentale peszuul steit. 't Plein is in gebroek veur dök veurkómmendje culturele gebäörtenisse en d'r is ouch 'n mineralogisch museum. Twieë kastele, d'n aaje (Slowaaks: Starý zámok) en de nuje (Slowaaks: Nový zámok), zeen ómgeboewdj toet museum.

't Mienboewaopelóchmuseum bi-jtj 'ne twieë km lange excursie óngere gróndj in de miene oet de 17djen ieëuw. 'nen Angere aje mien dae geäöpendj is veur 't publiek, de Glanzenberg is zelfs ajer.

Demografie[bewirk | brontekst bewerken]

Banská Štiavnica haet 10,674 inwoeaners (31 december 2005). Vólges de vólkstelling van 2001 is 93.9% van de luuj Slowaaks en 2% Roma. Väöl luuj stamme aaf van de Karpatepruse die 'ne belangrieke rol speeldje in de Middelieëuwse gesjiedenis van de stad. 65% is Rooms-Katholiek, 18.9% atheïstisch en 7.6% Lutheraans.

Commons
In de categorie Banská Štiavnica van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Banská_Štiavnica&oldid=343860"