Autonomie

Van Wikipedia

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


De term autonomie is aafgeleid van 't Griekse auto (zelf) en nomos (wet), autonomos (eige wette oplèggendj) en besjriejft 't vriej zeen van extern bestuur. 't Concept wörd trökgevonje in politiek, technisch, filosofisch, geneeskundig en moreel verbandj. 't Verwiest dao biej steeds nao de capaciteit van 'n rationeel en economisch onaafhankelik individu of bestuur om eige verantjweurdelikke beslissinge te nömme. 'n Good synoniem is zelfbestuur. 't Taegenovergesjtelde (antoniem) van autonoom is heteronoom.

Politiek/sjtaotsrechtelik is autonomie de onafhankelikheid van 'ne sjtaot, regio, gebied en/of volk van 'ne grotere sjtaot; dit steit los van of d'r ouch 'ne aafsjeiding plaats vindj. 't Heit ouch waal zelfbestuur.

In de techniek steit autonomie veur 't onafhankelik zeen van externe energiebronnen en besturingssignale. 'ne Autonome robot bewaegt gans onaafhankelik en nömt zien "eige" beslissingen.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Autonomie&oldid=339916"