Asse

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Asse in Drente

Asse (Nederlands Assen) is de hoofstad vaan de Nederlandse provincie Drente en vaan die provincie de twiede groetste gemeinte in inwoeners, nao Emme. 't Aontal inwoeners bedroog per 1 januari 2005 62.645, en 't oppervlak is 89 km2, wat 't daorin weer tot bekans de kleinste Drentse gemeinte maak. Boete de kèrn Asse kint de gemeinte nog 't dörpke Loon en 'n aontal gehuchter. Börgemeister is (2005) Dineke van As-Kleijwegt vaan de PvdA.

Stadsfuncties[bewirk | brontekst bewerken]

Asse hoesves 't gouvernemint vaan de provincie en 'nen tribbenaol, en heet same mèt Emme 'n functie es regionaal verzörgingcentrum. Asse steit wel in de sjaduw vaan 't kortbij Groninge, wat väöl groeter is.

Stadsbild[bewirk | brontekst bewerken]

Asse is 'n aajd dörp (zij 't mèt stadsrechte sinds 1809) wat pas vaanaof de negentiende iew tot stad oetgegreujd is. Daorum is 't centrumke klein en ligk 't roond 'ne brink. Aon dee brink ligke 't veurmaoleg provinciehoes en 'n abdijkèrk. Eve noordeleker ligk de neogotischen tribbenaol. 't Asserbos ligk binne de bebouwing vaan de stad, die tamelek ruim is opgezat.

Historie[bewirk | brontekst bewerken]

In 1258 woort op de plek vaan de moderne brink e kloester gevesteg, daoveur gehoesves in Coevorden. In 1602 woort 't kloester opgeheve en woort 't es wereldlik machscentrum, naomelek veur de staote vaan 't gewes Drente, ingeriech; in die iew oontstoont ouch de ierste bewoening. Vaanoaf de achtiende iew woort 't 'n groet dörp en in 1809 kraog 't zelfs stadsrechte vaan Lowie Napoleon, dee hei zien zomerresidentie had. In 1814 woort 't de hoofstad vaan de provincie Drente. De groete nuibouw kaom begin twintegste iew op gaank.

Externe link[bewirk | brontekst bewerken]

Gemeintes Provincie Drente

Aa en Hunze | Asse | Borger-Odoorn | Coevorden | De Wolden | Emme | Hoogeveen | Meppel | Midden-Drenthe | Noordenveld | Tynaarlo | Westerveld

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Asse&oldid=337957"