Arnold Vanderlyde

Van Wikipedia
Gank nao: navigatie, zeuke
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Zittesj, as te dit dialek sjpriks.

In oktober 1990 verloor Vanderlyde (rechs) op puntje van de Cubaan Roberto Balado

Arnold Petrus Maria Vanderlyde (ziene eigelikke femielienaam is van der Lijde), (Zitterd, 24 jannewarie 1963) is 'ne veurmalige Nederlandjse amateurbókser.

Amateurcarrière[bewirk | brontekst bewerken]

Vanderlyde begoosj in 1978 op vieftieënjaorige laeftied mèt bókse. In zien ganse loupbaan bóksde hae 254 wedsjtrieje wovan hae d'r 233 wón. Hae woort ach keer Nederlandjs kampioen in 't zjwaorgewich, in 1983 en van 1985 pes 1991.

Olympische Sjpele[bewirk | brontekst bewerken]

Vanderlyde nóm drie keer deil aan de Olympische Sjpele en hae won jederkeër ein brónze medajje in 't zjwaorgewich (pes 91 kg), naodat hae aevezoaväöl keëre in de hauve finale haej verlaore. Biej de Sjpele van 1984 in Los Angelos verloor oetentelik op puntje van de Canadees Willy DeWitt, biej de Sjpele van 1988 in Seoel verloor hae van de latere gouwe medajje winnaer Ray Mercer en biej de Sjpele van 1992 in Barcelona sjtrandje hae in de veurrunjes door op puntje te verleze van, weer eine Cubaan, Félix Savón.

Waereldkampioensjappe[bewirk | brontekst bewerken]

Vanderlyde is ouch tweë keër tweëde gewore biej de waereldkampioensjappe veur amateurs. Biej ’t WK van 1986 in Reno won hae in de hauve finale nog waal van de Amerikaan Michael Bentt, mer in de finale waas hae neet opgewasse taenge Savón. Biej ’t WK in 1989 in Moskou sjtude hae al in de eësjte runje op ziene eëwige rivaal Savón, dae hae opnuuj neet de baas koosj. In 1991 in Sydney reikde hae waal tot in de finale, mer ouch noe moosj hae ’t opnumme taenge Savon, en weer koosj hae häöm neet de baas.
Vanderlyde haet in zien carrière vief keër taenge de Cubaanse legende gebóks zónger ouch me reine keër te winne.

Europese kampioensjappe[bewirk | brontekst bewerken]

Zien groetste successe behaolde hae op Europese baojem door drie keër de Europese titel te winne. Biej ’t EK van 1983 in Warna woort hae nog waal oetgesjakeld in de kwartfinale door de Rus Alexander Jagubkin, mer in 1985 in Boedapes behaolde hae ein derde plaatsj. Op de volgende EK’s behaolde hae aeve zoa väöl keëre de titel, in 1987 in Turien, 1989 in Athene wo hae in de finale de Duutsjer Axel Schulz versjloog, en in 1991 in Göteborg.
Door deze lètste titel woort es Sjportman van 't jaor 1991 oetgerope (same mèt Edwin Jongejans).

Carrière nao ’t bókse[bewirk | brontekst bewerken]

In 1992 beeindigde hae zien bókscarrière. Hae is noats euvergesjtap nao ’t profbókse. Allewiel is hae, naodat hae in 1994 'n opleijing sjportmanagement aan de Universiteit van Groninge mèt hej gevolg, eine succesvolle zakeman en hilt hae workshops, traininge en laezinge veur bedrieve en insjtèllinge.
In 2009 presenteerde Vanderlyde zien eësjte book: Fighting for succes!.[1]
Op 28 oktober 1994 woort Arnold Vanderlyde beneump tot Ridder in de Orde van Oranje Nassau.

Weblinks[bewirk | brontekst bewerken]

Referenties[bewirk | brontekst bewerken]

  1. Dagblad De Limburger: Arnold Vanderlyde presenteert zien book
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Arnold_Vanderlyde&oldid=348964"