Anthony Fokker
Van Wikipedia
Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.
Anthony Herman Gerard Fokker, meistal simpelwaeg afgekortj toet Anthony Fokker, waerdje op 6 april 1890 gebaore op Java en waor 'ne vleegtuugboewer.
[bewirk] Biografie
Hae verhoesdje nao Nederlandj in 1894, wie d’r veer jaor aad waas. Vanaaf kindsj aaf aan waas hae geinteresseerdj in vleege en hae boewdje vleegtuugskes van papier en hout. Hae ging later masjieneboew/techniek sjtudere en in 1910 haaj d’r zien eerste vleegtuug klaor, de Fokker Sjpin. Dit waas ‘t begin van zien succes en in juni 1911 kreeg Fokker zien vleegbrevet maar hae veuldje minder veur vlege den veur vleegtuuge boewe en daorom besjloot hae in Berlien de firma A.H.G. Aeroplanbau op te richte. De naam waerdje in 1913 verangerdj nao Fokker Aeroplanbau.
[bewirk] Werk
Fokker haaj weinig geldj maar dit verangerdje naodat hae ‘t eerste vleegtuug aan ‘t Duitse leger haaj geleverdj en de Eerste Waereldoorlog waas oetgebraoke. Hae boewdje en ontwikkeldje vleegtuug nao vleegtuug wovan de Fokker DR-1 Triplane ‘t bekendste waas. Dit vleegtuug waerdje in’ne Eerste Waereldoorlog gebroek en de bekenste piloot waas Manfred von Richthofen mit ziene vuurrooje Triplane. Fokker waas de eerste persoon dae ‘t probleem oplosdje van ‘t sjeete door de propeller zônger deze aan gort te sjeete. Nao de oorlog boewdje hae allein passageersvleegtuuge en hae ontwikkeldje veur Nederlandj de D-XXI en de G-1 Mercury die in de eerste daag van’ne tweede Waereldoorlog waerdje gebroek om de Duitse euvermach einige taegenstandj te beeje. Hae boewdje in’ne oorlog gein vleegtuuge meer en ‘t doerdje lang veurdet hae weer ein vleegtuug ging ontwikkele. Hae ontwikkeldje eine vervanger veur de DC-3 Dakota de F27 Friendship. Dit enorm succes zal Fokker altijd herinnere. Op de F-27 ontwikkeldje hae ein verbaeterdje versie, de F50, en hae boewdje ouch twee sjtraolverkeersvleegtuugen: de F28 Fellowship, gevolg door de langere F100 en de kleinere F70.
