Anne-Marie Bemelmans-Steynebrugh
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Anna Maria Theresia (Annemie) Bemelmans-Steynebrugh, (Valkeberg, Boete de Paort, 24 juli 1926 – Valkeberg, 26 januari 2011. Zie woort gebore es jóngste kind van 6 es dochter van Winand Steynebrugh en Katharina Ferenschild. Ze woonde vreuger onderaan de Cauberg. Annemie kaom oet ’n creatief gezin. Zoa waor eine broor mèt-opriechter van mannekoar Geulklank. Ze haet gediechte gesjreve en hie van woort in 1991 de gediechtebundel "Vallekeberg ein paradies" oetgegeve, gans in 't Valkebergs dialek. In 1993 sjreef ze de dialekmès veur Zangvereiniging Orphée woadoor ze tot ièrelid woort beneump. Ouch waor Annemie hièl lang bie 't St.Caeciliakoar van de ouw kèrk in Valkeberg en 't Klokkekoar.
In 1952 trouwde ze mèt Frans Bemelmans oet Klumme. Oet dit huwelijk woorte 4 dochtersj gebore.
Op 26 januari 2011 sjtorf ze in Verpleeghoes Valkenheim nao hièl lang krank te zin gewaes. Ze woort vanoet de ouw kèrk begrave op de begraafplaats aan de Cauberg.
Inhawd |
[bewirk] publicaties
- in 't weekblaad Land van Valkenburg
- in 't kwartaalmagazine Geulrand
- in 't kwartaalblaad van 't CDA-campagneteam
- 1991 de gediechtebundel Vallekeberg ein paradies.
- in de bloomlezing Rierank van Veldeke-Valkeberg in 1992
- in 1993 sjreef ze de Dialekmès, Valkebergse tekste op de muziek van de Deutsche Messe van Franz Schubert (oetveuring door Zangvereiniging Orphée oet Houtem-St. Gerlach)
[bewirk] sjtäölke
"jóng woarum toch al dat sjelle
dao kins te de zón ouch neet mèt gelle
ofs te noe flot kruups of get zachter
regene deit 't ouch dao achter"
oet: Twiè pieringe, Vallekeberg ein paradies 1991
