Amerikaanse kèrkhof Henri-Chapelle

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Amerikaans kèrkhof Henri-Chapelle.

D'r Amerikaanse kèrkhof Henri-Chapelle liegkt tösje Aubel, Plombières en Kapel (Henri-Chapelle) óp de huuëgde in de provincie Luuk. Óp dizze kèrkhóf zeunt 7989 Amerikaanse sóldaote begrave, die tiedens d'r Twiede Waeltkrèèg väörnamelek bie 't Ardenneroffensief sjneuvelde. Op de aafbeelding is 't mónumaent te zieë, mèt rechs 'n informatieruimte en leenks 'n bezinningskapel. Op de pilaere zeunt name van gesjneuvelde soldaote gegraveerd. 't Staandbeeld is 'n beeld van d'r aartsèngel Gabriël dae de gesjneuvelde 'ne lauwerkraans toewèrpt. Achter 't monumaent bevindt zich d'r kèrkhóf mèt de doezende witte carrara-marmere kruutser.

D'r kèrkhóf liegkt op Amerikaanse groond, mae väördat d'r groond däör de Belzje regering gesjoonke waoërt es daank väör de bevrijding, waor dit 'n dèèl va Hommerig.

An de överziej van d'r waeg - dus achter d'r fotograaf van de aafbeelding - haat me 'n good oetzich över de U-vörm van 't Laand va Herf. Die U-vörm is typisch väör dale die in iestieje dör gletsjers zeunt óntsjtande. De Berwien óntsjpringt hie in 't buurtsjap De Birven.