Alpha Magnetic Spectrometer

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De Alpha Magnetic Spectrometer

De Alpha Magnetic Spectrometer, ouch wel AMS-02 geneump, is 'n experimint in de deilkesfysica wat gemonteerd weurt op het International Space Station. 't Is oontworpe um te zeuke nao ongewoen materie door kosmische straoling te oonderzeuke.

AMS-02 is gelanceerd mèt de Space Shuttle-missie STS-134 op 16 mei 2011.

Historie[bewirk | brontekst bewerken]

'n Ierste veurstèl veur de Alpha Magnetic Spectrometer woort gedoon in 1995, nao 't stoppe vaan oontwikkeling vaan de Superconducting Super Collider.

AMS-01[bewirk | brontekst bewerken]

't Prototype AMS-01 vloog aon boord vaan STS-91 in juni 1998. 't Prototype, 'n versimpelde versie vaan AMS-02, toende aon tot 't oontwerp wèrkde in de ruimte.

AMS-02[bewirk | brontekst bewerken]

De echte versie, de AMS-02, woort weier oontwikkeld, woebij 500 weitesjappers vaan 56 institute oet 16 lande mètwerkde. 't Weurt gezeen es de mies geavanceerde deilkes-detector dee oets de ruimte in is gesjik, woebij de prestaties in de buurt koume vaan groete detectors vaan deilkesversnellers op Eerd. AMS-02 heet ouch 4 kier zoeväöl gekos es vergeliekbare apparate op Eerd. De ierste raoming vaan de koste waor 33 mieljoen dollar. Oeteindelek heet 't, nao allerlei verfijninge en aonpassinge, 1,5 mieljard dollar gekos.

In ierste instantie zouw AMS-02 aofgeleverd weure bij 't ISS in 2005. Technische probleme en planningsprobleme mèt de Shuttle zörgde evels veur oetstèl.