Algische spraoke

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De verspreijing vanne Algische spraoke veur 't kóntak mitte Europeane.

De Algische spraoke zeen 'n Amerindische spraokfemielje van Naord-Amerika. De meiste Algische spraoken huuere toete Algonkische femielje die zich oetsprèdj euver e groeat gebied vanne Rocky Mountains toete Atlantische Oceaan bie Canada. Anger Algische spraoke zeen 't Wiyot en 't Yurok die gekaldj waeren in 't naordwèste van Californië, meh tróds häör ligking kórtbie einanger zeen die neet specifiek verwantj mitein. Alle Algische spraoke kómmen aaf van 't Proto-Algisch, 'n protospraok die gereconstrueerdj gewaoren is door 't gereconstrueerdje Proto-Algonkisch en 't Wiyot en 't Yurok mitein te vergelieke.

Indeiling

Hie-ónger volg 'n lies mitte veurnaamste subgroepe van 't Algisch. Spraoke die 'n apaarte pagina op dees Wikipedia höbbe staon achtere subgroep vermeldj:

• Algisch
  • Algonkisch
    • Arapaho
    • Cree-Montagnais
    • Oeastelik Algonkisch (Abenaki)
    • Fox
    • Ojibwa-Potawatomi
    • Neet geclassificeerdj
  • Ritwan
    • Wiyot
    • Yurok