Alexander Poesjkin

Van Wikipedia
(Doorverweze van Aleksander Poesjkin)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Aleksandr Puškin.

Aleksandr Sergeevič Puškin [1] (Rössisch: Александр Сергеевич Пушкин; 6 juni 1799, Moskou10 fibberwarie 1837, Sint-Pieëtersbörg, of 26 mei 1799 – 29 jannewarie 1837 volges Juliaanse klender) waas 'ne Rössischen dichter.

Puškin wuuertj algemein besjoewdj es de grótste Rössischen dichter en ouch es eine vanne grótste dichters oete werreldlitteratuur. Mit anger groeate Rössische sjrievers, wie Mixail Lermontov, Nikolaj Gogol, Ivan Toergenjev, Fjodor Tjoettsjev, Fjodor Dostojevski, Lev Tolstoj en Anton Tsjechov huuertj Poesjkin toete zoeageneumdje "góljen ieëf" vanne Rössische litteratuur.

Hae wuuertj nag ummer hieël väöl gelaeze. Van jóngs aaf aan kriege kinjer zien poëzie in verhäölkes en breve te laeze vanwaenge zien vleujendje, sjitterendje, muzikaal spraok. Euverzètters höbben 't lestig det good euver te bringe.

Naeve wiedverbrèdje lyriek mit väöl leefdjes- en anger gedichter, wie "Ich leef dich", "Nach", "Wintjeraovendj" en "Hers", haet Puškin ouch proza naogelaote wie "Sjöppevrouw", "De gesjiechte van Poegatsjov" en "De kapiteinsdochter".

Rifferensie[bewirk | brón bewèrke]

  1. ouch op 't Nederlands Aleksander Sergejevitsj Poesjkin, Duits Alexander Sergejewitsch Puschkin, Frans Alexandre Sergueïevitch Pouchkine en Ingels Alexander Sergeyevich Pushkin
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Alexander_Poesjkin&oldid=424738"