Airbus A330

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


De Airbus A330
Airbus A 330-200 Air Seychelles

De Airbus A330 is eine tweemotorige widebody veur lang aafsjtenj. ‘t Vleegtuug waerdje saame mit de A340 ontwikkeldj en haetj daodoor vriewaal dezelfdje cockpit wodoor dezelfde pilote in sjtaot zeen dees vleegtuugen allebei te vleege.

Gesjiedenis[bewirk | brontekst bewerken]

‘t Eerste prototype, eine A330-300 booj plaats aan ruum 300 persone, maakdje in november 1992 de eerste vluch. Op verzeuk van inkele maatsjappieje waerdje d’r ein korter versie ontwikkeldj die ein groter vleegbereik kreeg. De verkoup leep in ‘t begin get minder maar vanaaf 2000 waas ’t heel populair. Toen de A330 op de mert kwaam, waas ‘t eine concurrent veur de Amerikaanse Boeing 767. Zo haetj de A330-200 een groter vleegbereik maar kan de B767-300 meer passageers verveure. In jannewarie kondigdje Airbus ein vrachversie aan onger de naam A330-200F.

Euvereinkomste[bewirk | brontekst bewerken]

Op de lengte van de romp nao, zeen de versies vriejwaal ‘tzelfdje. Daonaeve haetj de A330-200 eine get hogere sjtert om meer sjtablileit te garanderen. Net wie biej anger vleegtuuge höbbe de twee versies ein modern cockpit die ‘tzelfdje is. Ouch kinne pilote gemekkelik euversjtappe op de kleinere A320, of de groter A340-familie en de A380.

Versjille[bewirk | brontekst bewerken]

’t Grootste versjil is de lengte; de A330-300 is inkele maeters langer es de A330-200. Door de kortere romp haetj det vleegtuug ein leger gewich en dus ein groter vleegbereik.

Toet de A330-famillie beheure de volgendje vleegtuuge[bewirk | brontekst bewerken]

  • A330-200
  • A330-200F
  • A330-300

De Airbus A330-200[bewirk | brontekst bewerken]

De A330-200 is ein vleegtuig oet de A330-familie die ten opzichte van de basisversie (de A330-300) eine kleinere romp haetj. Hiejdoor is d’r maar plaats veur 253 passageers in drie klasse, terwiel de A330-300 335 passageers kan verveure. Door de kleiner capaciteit, haetj dit type waal ein groter vleegbereik (11.975 km.) en is daorom ein väölgebroek vleegtuug op de lange afsjtandj.

Technische gegaeves Airbus A330-200[bewirk | brontekst bewerken]

Lengte: 58,80 m.
Breidte: 60,30 m.
Heugte: 17,40 m.
Max. snjelheid: Mach 0.86
Vleegbereik: 11.975 km.

De Airbus A330-300[bewirk | brontekst bewerken]

De Airbus A330-300 is de basisversie oet de succesvolle A330-series. Het vleegtuug waerdje geliektiedig mit de A340-familie ontjwikkeldj en haetj zichbare euvereinkomste wo onger de vorm, vleugels, lanjingsgesjtel en ouch minder zichbare euvereinkomste zo wie de capaciteit en de cockpit. De A330-300 beujtj, net wie de A340-300, plaats aan ongeveer 335 passageers in ein configuratie van twee klasse.

Technische gegaeves Airbus A330-300[bewirk | brontekst bewerken]

Lengte: 63,68 m.
Breidte: 60,30 m.
Heugte: 16,85 m.
Max. sjnelheid: Mach 0.86
Vleegbereik: 10.375 km.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Airbus_A330&oldid=351874"