Achagua (spraok)

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Achagua (spraok).

't Achagua is 'n Arawakspraok die gekaldj wuuertj door 't Achaguavouk van Colombia. De spraok wuuertj gekaldj door zoea 250 luuj (2000) oet 'n etnische bevölking van 280 (2007) en haet de ISO 639-3 code aca.

't Achagua wuuertj ouch Ajagua, Xagua, Axagua en Achawa geneump. 't Aantaal spraekers nump aaf. 't Is neet bekèndj of 't versjillige dialekte guuef, meh de spraok liek op 't Piapoco. Tródsdet 't aantaal spraekers aafnump is 't Achagua nag zieër laevesvatbaar. 't Wuuertj gesjreven in 't Letiens sjrif en veurnamelik heim gebroek. Spraekers kallen ouch Piapoco en Spaans. De graod van gelitterdjheid inne ieëste spraok is 1% toet 5%; inne twieëdje spraok is det 5% toet 25%. In 1986 zeen deiler vanne Biebel ómgezadj nao 't Achagua.

De spraekers bevinje zich ane rechse kantj vanne Upper Meta-reveer, tösse Puerto López en Puerto Gaitán, en in 't El Turpial-rizzervaot. d'r Is spraok van significante acculturalisatie.

De spraokstatus veur dees spraok is bedreig (6b); det beteikentj det de spraok gebroek wuuertj veur persuuenlike communicatie door alle generaties, meh det 't aantaal spraekers aafnump.

Classificatie[bewirk | brón bewèrke]

  • Arawak
    • Naordelik
      • Opper-Amazone
        • Wèstelik Nawiki
          • Piapoco

Brón[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Achagua_(spraok)&oldid=457280"