Abdie Lilbós

Van Wikipedia

Dit artikel is gesjreve (of begós) in 't Echters. Laes hie wie v'r mit de versjillende saorte Limburgs ómgaon.


De Abdie Lilbós is 'n cisterciënzer abdie vanne trappiste die in Pepienesbrögk ligk, e gehuch vanne Limburgse sjtad Ech. Lilbós waerdje gestich vanoet de Sint-Bendictusabdie oppe grens tösse 't Belsje Haëmet-Achel en de Nederlandjse gemeindje Heeze-Leende. Doordet 't te väöl kandidate goof veur de abdie in Achel, waerdje in e zómpig gebeed kórt biej Ech 'n nuuj gestich ónger de derdjen ab van Achel, Dom Bernardus Maria van der Seyp. De ieëste groep arriveerdje in 1883 en in 1912 waerdje Lilbós tót abdie verhaeve. Dom Victor van den Eynden waerdje d'n ieësten ab.

Biej de abdie behuuerdje e gasteverblief, det waerdje geboewdj in 1890. Momenteel is 't e restaurant: 't Hof van Herstal. Biej de abdie herinjere ouch 'n kapel, 'ne bunker en e vleegmesjienmonument aan d'n Twieëdje Waereldoorlog. Saer 2003 is de Abdie Ulingsheide in Tegele 'n dependance van Abdie Lilbösj. De kloasterkèrk waerdje inne jaore 2012-2013 gerestaureerdj. Momenteel haet de abdie 13 monnike die zichzelf in häör laevesóngerhawd veurzeen. 't Guuef 'nen 110ha groaten haof mit akkerboew, losloupendje verke, rinjer en wiejer guuef 't ouch nag 'nen imker. Daonaeve haet 't kloaster nag 30ha netuur in behieër. De abdie behuuertj same mit 't veurmaolig Kloaster d'n Hoop tót 't Natura-2000-gebeed Abdij Lilbosch & voormalig Klooster Mariahoop.

Livar[bewirk | brón bewèrke]


De volgende sectie van dit artikel is gesjreve in 't Heëlesj.

I g'n abdie weëde óch producte gemaak mit 't vleesj va verantwoad verzörgde verkes mit d'r naam: Livar. Dit sjteët vuur Limburgs kloeësterverke (Nederlands: Limburgs kloostervarken). 't Bedrief woeëd in 1999 ópgerich durch de monnike en leëvert allewiel (i versjillende produkte verwirk) verkesvleesj va hoeëge kwaliteet aa beenhouwesj en restaurants durch gans Nederlank en inkel plaatse i Dütsjlank en 't Belsj.

Weblink[bewirk | brón bewèrke]

Commons
Commons
In de categorie Abdij Lilbosch van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Abdie_Lilbós&oldid=423909"