Abaziens

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Abaziens of Abaza is 'n Naord-Kaukasische spraok die gekaldj wuuertj in Karatsjaj-Tsjerkessië in Röslandj, in 't Distrik Abazinski. De spraok wuuertj gekaldj door zoea 37.800 luuj in Röslandj (2010), oet 'n etnische bevölking van 43.300 (2010) en mit 'n ganse bevolking van 47.880 in alle lenj. De spraok haet de ISO 639-3 code abq.

't Abaziens hètj ouch waal Abazintsy, Ahuwa of Ashuwa. Versjillige dialekte zeen Ashkaraua (Ashkar, Ashxar), Bezshagh en Tapanta. Sómmige hievan zeen gedeildjelik verstaonbaar mit 't Abchazisch. De spraekers zeen euverwaegendj islamitisch.

't Abaziens is 'n SOV-spraok en haet ergatief-absolutief-congruentie bie 't wirkwaord.

In Röslandj wuuertj de spraok mit 't Cyrillisch sjrif gesjreve. 't Guuef ouch gezètte, radioprogramma's, tillevies en waordebeuk. 't Is de ieëste spraok veur 95% vanne Abaziene; 70% van häör gebroek ouch Rössisch.

In Törkieë laef de spraok minder es in Röslandj, mer 't guuef dao toch nag 10.000 spraekers (1995). In Törkieë wuuertj 't Abaziens in 't Letiens sjrif gesjreve. De spraekers kalle dao ouch Törks.

De spraokstatus veur dees spraok is óntwikkelendj (5); det beteikentj det de spraok laevetig is en det litteratuur in 'n gestanderdiseerdje vorm gebroek wuuertj door sómmige, meh det is nag neet wiedversprèdj of haadbaar.

Classificatie[bewirk | brón bewèrke]

Brón[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Abaziens&oldid=415223"