Riekswaeg 79

Van Wikipedia
(Doorverweze van A 79)
Gank nao: navigatie, zeuke

Dit artikel is gesjreve in 't Sjènnes. 't Weurt gewaardeerd óm in dit artikel 't Sjènnes aan te hauwe of aan te gaeve welk anger dialek gebroek is.


De A 79 bie Voelender

De A 79 is einen autosjnelwaeg dae van Haelder nao Mesjtreech löp. In 't midde van de jaore '70 wie de ganse A 76 veardig woord gemak, how Riekswatersjtaat de behoefte om eine autosjnelwaeg aan te lègke tösje Haelder en Mesjtreech. Pès dean tied mooste de luuj ömmer binnedoor vaare om vanoet de (toen nog) Oostelike miensjtreek nao Mesjtreech te komme.

De aanlègk[bewirk | brontekst bewerken]

Wie me in de jaore zeventig bezig waor mèt de aanlègk van de A 76 waore d'r al planne óm ouch de A 79 aan te lègke. Allein waor nog neet gans bekènd woo dae waeg noe precies keem te loupe. In ieësjte instansie waor 't de bedoeling dat de A 76 langs 't ziekehoes in Haelder zou komme te loupe en zao nao Bóches. Dae waeg loog d'r al, en dös woar 't gans logisch dat 'r in Haelder ein knaupunt zouw komme. Allein höbbe bereikeninge en de sjleeting van de koele d'r veur gezörg dat 't aantal auto's wat gebroek zow make van de sjtadsautowaeg liëger loog es gedach. In feite waor de A 79 geprojekteerd om sjnelle aafveur van kaole en personeel van de koele in en om Haelder te bewirksjtillige. Noe dit gans angesj oetpakde woord besjlis dat de waeg gein aansjleeting kreeg mèt de A 76, meh in eine waeg nao Mesjtreech aan te lègke.
De waeg begint effe wier van de aafsjlaag van de N281 bie Hoeve de Aar. Wae oet Haelder langs de brandweerkazerne ömmer rechdoor bliet vaare kömp vanzelf op de autosjnelwaeg. De groate waeg wörd effeke veurbie Welte pas autosjnelwaeg, vlakbie de aafrit Kunder.

Toch nog aangesjloate op de A 76[bewirk | brontekst bewerken]

Wie de A 79 in 1975 veardig waor, leep 'r bie Kunder onger de A 76 door. Meh de luuj die oet de richting van Mesjtreech koame, en nao Aoke wouwe, mooste doorvaare pès Haelder, de sjtadsautowaeg op en bie Bocholtz koosjte ze dan de A 76 op. En angesjom, wenste van Aoke aafkeems, mooste doorvaare pès Kerensheide vaare om dao via de A 2 nao Mesjtreech te kènne vaare. Daorom haet Riekswatersjtaat in 1979 besjloate om bie Kunder ein knauppunt te make, zoadat luuj die oet Aoke komte direc van de A 76 koosjte aansjleete op de A 79. Het zelfde gol auch veur luuj die oet de richting van Mesjtreech komte. Die kosjte noe aansjleete op de A 76 nao Aoke. Angesjom, oet de richting Gelaen is zo'n aansjleeting neet gemak. En auch neet van de A 79 nao de A 76 richting Gelaen.

Route de Soleil[bewirk | brontekst bewerken]

De aanlègk van de A 79 haet 'r auch veur gezörg dat verkiër oet de regio Parkstad Limburg noe mèkkeliker nao 't zuide van Europa kint vaare. Want in Mesjtreech geuf de A 79 aansjleeting op de A 2 richting Luuk van wo oet men mèkkelik door kint vaare nao Frankriek en wier.

De waeg in ein Sjema[bewirk | brontekst bewerken]

Besjtömming oet
Aafritnömmer
Besjtömming nao
Haelder
Voelender 7 Haelder Centrum Haelder Welte
Knauppunt Kunderberg
Klömme 6 Voelender Voelender
Hölsberg, Valkeberg 5 Klömme Klömme
Valkeberg 4 Hölsberg Hölsberg, Valkeberg
Meersje 3 Valkeberg Valkeberg, Houthem
Bunj 2 Meersje Meersje
Mesjtreech 1 Bunj Bunj > aansjleeting nao A2
Luuk
Knauppunt Kruisdonk
Aansjleeting mit A 2
 
Mesjtreech
 
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Riekswaeg_79&oldid=346915"