Algemein Gesjreve Limburgs

Van Wikipedia
(Doorverweze van AGL)
Gank nao: navigatie, zeuke

Dit artikel is gesjreve in 't AGL. 't Weurt gewaardeerd óm in dit artikel 't AGL aan te hauwe of aan te gaeve welk anger dialek gebroek is.


't Algemein Gesjreve Limburgs is e projek van Limburghuis.

Nao aanleijing van 'ne oproop van de sjoernelis Wim Kuipers in 1989, óm 't Limburgs op sjrif vas te lègke, haet Paul Prikken De Taal van de Maas, 'nen diksjenaer, gesjreve. Van 1995 pès 1999 haet de Kemissie Algemein Gesjreve Limburgs 'n ierste aanzèt gegeve.

't Aafzich van 't AGL is óm 'ne sjtanderd op te zètte veur 't sjrieve van de varrejeteite van 't Limburgs wie dat weurt gekald in Oes- en Wes-Limburg en in de Selfkantj.

Kinmerke[bewirk | brontekst bewerken]

't AGL zeuk de kónsens tösje alle Limburgse dialekte. Es sjtrukturiel versjille tösje mie gebejer veurkómme, mós te in waeze kónne keze veur ein van de mäögelikhede. De sjpraok is noe veural Midde-Limburgs georjenteerd: de sjpraekers van de dialekte tösje Remunj en Gelaen höbbe de meiste veuling demit, waat bieveurbeeld bliek oet de käös veur moeljering.

Euver 't algemein haet 't AGL 'n wiej norm es 't geit óm waordkäös. Wäörd die lang neet in alle dialekte veurkómme zeen toch in de diksjenaer opgenomme. 't Idee is det Limburgers 'n sjpraok neet te väöl moete hove aanpasse es ze AGL wille sjrieve, ómdet det de dörpel te hoeg zouw make.

Veurbild[bewirk | brontekst bewerken]

Mit vruntelike toesjtömming euvergenome van limburghuis.nl

Rosa en Fortuna

De wèthauwers van Zitterd doon niks lever es eerste sjtein te metsele. 't Probleem mèt daen hobby van Arets en Co is, dat veur daen eine sjtein meistes väöl anger sjtein mote aafgebraoke waere. Mer dat is eigentlik biezaak: wae zouw neet gaer ziene naam veur eeuwig in ein marmere plaat höbbe sjtaon? De meiste luuj mote zich kòntent doon mèt hunne sjtein op het kirkhef. Veur ei losgesjlage kleesj van B&W is dat natuurlik te min. Diej wille op aerd nog meer sjpaore van hun presentie achterlaote es ein atoombóm.

Externe link[bewirk | brontekst bewerken]

Wikipedia
De Limburgse Wikipedia haet ouch artikele in 't Algemein Gesjreve Limburgs.