't Bildt

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan 't Bildt in Friesland

't Bildt (officieel Het Bildt; Fries It Bildt) is 'ne polder en 'n gemeinte in de Nederlandse provincie Friesland, aon de Waddezie, mèt (1 augustus 2006) 10.975 inwoeners en 'n oppervlak vaan 116,48 km2 (daovaan 25,88 km2 water). Kerne zien Minnertsga (Minnertsgea), Nij Altoenae, Oudebildtzijl (Ouwe Syl), Sint Annaparochie (Sint Anne) en Sint Jacobiparochie (Sint Jabik). Minnertsga huurt neet bij 't polderlandsjap 't Bildt meh ligk op 't aajd land.

't Bildt waor 't lèste reske vaan de Middelzie, 'ne zie-erm dee oets tot deep in Friesland doordroong, meh in de loup vaan de late middeliewe bitsje bij bitsje ingepolderd woort. Aon 't begin vaan de zestiende iew beslote hertóg Sjors vaan Sakse en de Hollandse hiere vaan Wijngaarden 't Bildt ouch in te poldere en te exploitere. Veur de inpoldering en de kolonisatie gebruukde me achhoonderd wèrkers, die veur e deil oet de Alblasserweerd kaome (woe de hiere vaan Wijngaarden hiersde) meh ouch oet Friesland en de res vaan Holland. Daodoor spreke de inwoeners vaan 't Bildt nog ummer gei Fries, meh Bildts, e Hollands-Fries mingdialek wat nogal op 't Stadsfries liekent. In de zeventiende en achtiende iew bleef 't gebeed greuje doortot me aongespeulde kwelders ouch weer bediekde. Dit perces vaan landaonwinning in klein bittekes geit aon de Friese en Greuningse kös trouwes tot op d'n daag vaan vendaog door.

In 1984 woort 't dörp Minnertsga, tot daan deil vaan de aw gemeinte Barradeel, ouch bij 't Bildt geveug. Dit dörp is Friestaoleg en besteit al zeker doezend jaor.

Extern links[bewirk | brontekst bewerken]

Gemeintes Provincie Frieslandj

Achtkarspelen | Ameland | 't Bildt (Het Bildt) Dantumadeel (Dantumadiel) | Dongeradeel | Ferwerderadeel (Ferwerderadiel) | Franekeradeel | De Friese Meren | Harlingen | Heerenveen | Kollumerland en Nieuwkruisland | Leeuwarden | Leeuwarderadeel | Littenseradeel (Littenseradiel) | Menaldumadeel | Ooststellingwerf | Opsterland | Schiermonnikoog | Smallingerland | Súdwest-Fryslân | Terschelling | Tietjerksteradeel (Tytsjerksteradiel) | Vlieland | Weststellingwerf

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=%27t_Bildt&oldid=339753"