Árse en Velde

Van Wikipedia
Gank nao: navigatie, zeuke

Dit artikel is gesjreve in 't Lòms. 't Weurt gewaardeerd óm in dit artikel 't Lòms aan te hauwe of aan te gaeve welk anger dialek gebroek is.


Árse en Velde
Gewaeze gemeinte in Nederlandj

Arcen en velden vlag.svg

Arcen en velden wapen.svg

Ligking vaan Arcen en Velden binne de aw gemeintegrinze

Gevörmp 1817
Opgehaeve 2010
Opgegange in Venlo
Provincie Nederlands Limbörg
Hoofplaats Árse
Opperflaakde (bie opluffing) 42,03 km²
– daovan water: 1,07 km²
Inwoeners (kort veur opluffing) 8.681 (11-2009)
deechde: 216/km²
Lies van börgemeisters

Árse en Velde (Nederlandse naam Arcen en Velden) is 'n gewaeze geminte in Noord-Limburg, get te noorde van Venlo. 't Oppervlak bedroog 42,03 km² en op 1 januari 2004 woende heej 8.870 minse, waorvan 5.190 in Velde.

De geminte bestón oet de kèrne:

en de gehuchte en buurtsjappe:

Árse is de noordelikste plaots woar 't Limburgs gesproke wuurt (zeej Árses); boave Árse goan de betoningslien en de du(dich)/gij grèns Duitsland in. 't Inkele kilometers noordeliker De Loj (Wellerlooi), in de gemeinte Baerge, haet 'n Kleverlands dialek.

De dreej dörpskerne ligge allemoal in 'n langgerekte baan van noord noar zuud neave de N271 (Riekswaeg).

Waope[bewirk | brontekst bewerken]


De volgende sectie van dit artikel is gesjreve in 't Mestreechs.

't Waope in de tabel heet de gemeinte vaanaof 24 augustus 1977 gedrage. 't Liet ziech zoe umsjrieve:

Gedeild: I. In sinopel (greun) 'n gekanteelde poort vaan goud (geel), bestoond oet e middegedeilte en twie zijtories, allemaol gedèk mèt in bel oetloupende puntdaker en aon weerskante vaan 't poortdaak 'ne veendelmas vaan goud, volges de brokingsdiagonaol gesjuind vaan goud en lazuur (blauw); II. in goud 'ne paolsgewijs gezatten eiketak mèt vief blaajer en twie eikele vaan sinopel; in de sjèldpunt e gedeild sjèld: a. in lazuur 'nen dobbelstartegen umgewende liew vaan goud, getóngk en genageld vaan keel; b. in goud 'ne liew vaan sabel, getóngk en genageld vaan keel. 't Sjèld gedèk door 'n gouwe kroen vaan drei blaajer en twie perele.

Daoveur had de gemeinte sinds 1889 e waope boe-op d'n eiketak oontbraok, 't veld vaan de poort mèt korenaore waor bezejd en de twie veendelkes nao boete weze.

't Rechterdeil (links veur de beziener) stèlt Árse veur. D'n awwe sjepebaank veurde 't waope mèt de poort al sinds d'n daartienden iew. 't Latiens woord veur 'poort' is arx; 't is dus e sprekend waope. Ouch de korenaore of d'n eiketak zien sprekend en verwieze nao Velde; dit lèste symbool is op e zegel oet 1460 trökgevoonde. 't Bijsjèldsje is vaan 't hertogdom Gelre en weurt vaanajds al geveurd; ietot Árse ind vieftienden iew oonder Gelders gouvernemint kaom, stoont op die plaots al 't sjèlde vaan Buren, boe Árse daoveur oonder veel.[1]

Historie[bewirk | brontekst bewerken]

Árse en Velde woort in 1817, kort nao de inlieving in 't Keuninkriek vaan de Nederlen, gestiech oet de aw sjepebenk Árse en Velde; 't dörp Lóm heet ummer oonder Árse gevalle. Op 1 januari 2010 woort Árse en Velde touwgeveug aon de gemeinte Venlo.

Historische inwoenertalle[bewirk | brontekst bewerken]

Jaor Aontal Greuj (gans Limbörg)
1830 1.547[2] --
1840 1.599[3] +3,4% (5,6%)
1849 1.681[4] +5,1% (+4,3%)
1859 1.798[5] +7,0% (+4,4%)
1869 1.976[6] +9,9% (+4,5%)
1879 2.020[7] +2,2% (+7,0%)
Jaor Aontal Greuj (gans Limbörg)
1889 2.124[8] +5,1% (+6,8%)
1899 2.038[9] -4,0% (+10,2%)
1909 2.309[10] +13,3% (+17,8%)
1920 2.919[11] +26,4% (+32,6)
1930 3.352[12] +14,8% (+25,1%)
1947 4.316[13] +28,8% (+24,2%)
Jaor Aontal Greuj (gans Limbörg)
1956 5.155[14] +19,4% (+27,3%)
1960 5.506[15] +6,8% (+7,4%)
1971 6.720[16] +22% (+13,9%)
2004 8.870 +32%
2009 8.681 -2,1%
  • Opmerking: De ciefers veur 1971 zien op ganse vieftalle aofgerund. Gelèt op 't rillatief klein aontal inwoeners zien daorum de greujciefers die mèt dees gegeves zien berekend neet exacter es ganse percinte.


Rillatief oontwikkeling vaan 1830 tot 1971

(x1830=100)

Greun: Gemeinte Árse en Velde
Blauw: Provincie Limbörg

Rifferenties[bewirk | brontekst bewerken]

  1. Heraldry of the World - Arcen en Velden
  2. Volkstèlling 1830
  3. Volkstèlling 1840 - Limbörg
  4. Volkstèlling 1849 - Hertogdóm Limbörg: gemeintesgewijs indeiling vaan de provincie
  5. Volkstèlling 1859 - Plaotseleke indeiling
  6. Volkstèlling 1869 - Feiteleke of getèlde bevolking in eder gemeinte vaan 't riek
  7. Volkstèlling 1879 - Limbörg: plaotseleke indeiling
  8. Volkstèlling 1889 - Limbörg
  9. Volkstèlling 1899 - Limbörg
  10. Volkstèlling 1909 - Plaotseleke indeiling
  11. Volkstèlling 1920 - Plaotseleke indeiling
  12. Volkstèlling 1930 - Plaotseleke indeiling
  13. Volkstèlling 1947 - Plaotseleke indeiling
  14. Woeningtèlling 1956 - Veurnaomste gegeves per gemeinte
  15. Volkstèlling 1960 - Bevolking vaan gemeintes en oonderdeile vaan gemeintes
  16. Volkstèlling 1971 - Plaotseleke indeiling
Commons-logo.svg Commons: Árse en Velde – Media gerelateerd aan dit óngerwerp
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Árse_en_Velde&oldid=359060"